Wolkom op AlleFriezen.nl

AlleFriezen is in webside dy’t sjen litte wol wat der yn de Fryske gemeenteargiven, it Streekargivariaat Noard-East Fryslân, it Histoarysk Sintrum Ljouwert en Tresoar te finen is oer alle Friezen, dy’t berne, troud en ferstoarn binne yn de provinsje Fryslân, fan de 19e ieu oant midden jierren fyftich fan de foarige ieu.

AlleFriezen stribbet der yn earsten nei alle gegevens út de iepenbiere akten fan de boargerlike stân (fan 1811 ôf) beskikber te stellen en it mooglik te meitsjen om alle akten dy’t by de presentearre gegevens hearre te besjen. AlleFriezen is dêrby ôfhinklik fan (finansjele) meiwurking fan de Fryske gemeenten. Op termyn moatte de gegevens út de boargerlike stân oanfuld wurde mei gegevens út oare boarnedokuminten, sa as bygelyks it befolkingsregister.

Op dit stuit binne alle berte- (1811-1902), houliks- (1811-1922) en ferstjerregisters (1811-1942) fan in grut part gemeenten fan de provinsje Fryslan te rieplachtsjen. Sjoch foar de dielnimmende gemeenten yn it linker frame. Der kin op namme socht wurde, de akte kin ynsjoen wurde en as men wol kin der ek útprint wurde. Ek kin der troch de registers blêde wurde.